තොරතුරු අධිභාරය සහ අතීත කතා

මාස දෙකකට විතර පස්සේ බ්ලොග් එකට මොනවත් දැම්මේ නැති හින්ද හදිස්සියේ මතක් උන කතාවක් ලියන්න හිතුව. 

දශක දෙකකට පමණ එපිටදී අපට අන්තර්ජාලය නහුරු කාලයේ අපට කියවන්නට දේ බොහෝ තිබුනා. අපිට දැනුම ලැබෙන මාර්ග තිබුනේ කිහිපයක් පමනයි. විදුසර පත්තරේ සිවුදෙස මුතුහර මනහර සගරා ඒ අතර විශේෂයි. දැනුම ලැබුන මාර්ග සිමිත හින්දම අලුත් දේ හොයාගෙන යන්න ඒ කාලෙ මිනිස්සුන්ට තිබුනෙ පුදුම උනන්දුවක් .

මේ සගරා වල තිබුන ලෝකයේ විවිධ රටවල කතන්දර, සිදුවීමි, දේශපාලනය ,සංස්කෘතිය, විද්‍යාව වගේ විශයන් අපේ උනන්දුව පුලුල් කලා. ඒ අතර ලෝකයේ තාක්ශණය දියුණු උනා .

කඩදාසි සගරා වෙනුවට අන්තර්ජාල වෙබ් පිටු සහ යුටියුබ් වගේ දේවල් ආවා .ලෝකය අතැඹුලක් උනා කියලනේ කියන්නේ. හැබැයි මගේ අදහස මේ වෙනකොට මේ තාක්ශනය විසින් අපට තොරතුරු අධිභාරයක් (Overload Of Information) ලබා දිලයි තියෙන්නෙ. 

ඩයනා - ( Story About Princess Diana)

Guns And Roses නම් ඇමරිකානු රොක් සංගීතක කන්ඩායමේ සුප්‍රකට Don't cry නම් ගීතය අසමින් සිටිනවිට මට මේ සටහන ලිවිය යුතුයැයි සිතුනි. ඩයනා කුමරිය මියගොස් එලඹෙන අගොස්තු 31 වෙනිදාට විසිහත් වසරක් සම්පුර්ණවේ. ඩයනාගේ අවසන් කටයුතු සිදුවන දිනයේ එය ලොවපුරා මාධ්‍ය නාලිකාවල ප්‍රචාරයවිය. එකල අපි කුඩා දරුවන්වීමු. 

ඇගේ දේහය රැගත් රිය පෙරහරවල් ගමන්කරන අකාරය අපි ඉතා උනන්දුවෙන් බලා සිටියෙමු. ඇය මුහුනදුන් මාරක රිය අනතුර පිලිබද විස්තර නිරන්තර පුවත් නාලිකාවල විකාශය විය. එපමනක් නොව අපිට හමුවු වැඩිහිටියන්ගේ මුවග තිබු මාතෘකාව ඇගේ හදිසි මරණයයි. නමුත් ඇය පිලිබද විස්තරයක් මට සෙවීමට අවශ්‍යවුයේ මගේ ප්‍රියතම ගීතයක් වන Modern Talking සංගීත කන්ඩායමේ Cherry Cherry Lady ගීතයට යොදන ලද ඩයනාගේ රැපරාමු සහිත වීඩියෝවක් නැරඹිමෙන් පසුය. 

චාල්ස් සමග ඩයනාගේ විවාහ ජීවිතය අප්‍රසන්න එකක්ව තිබුන බව ප්‍රසිද්ද රහසකි.

වංශාධිපති පවුලක කුමාරිකාවකට කැමති උවත් අකමැති උවත් සිදුවන්නේ ලෝකයේ කොතරම් පිරිමි සිටියත් තවත් එවැනිම සීමිත වු පවුල් කිහිපයක් අතර සිටින එක් පිරිමියකු තෝරාගැනීමටයි .ඒ අනුව ඇය ඇයට වඩා විශාල වයස් පරතරයක් සහිත කුමරයකු වු චාල්ස්ව තෝරාගන්නට ඇත. නමුත් එය ඇගේ අවසානය විය. 

පසුගිය දිනෙක පැවති පොත් ප්‍රදර්ශනයකින් මට ඩයනා පිලිබදව විස්තර සහිත පොතක් හමුවිය. Andrew Morten විසින් ලියන ලද මෙම පොතේ නම Diana - Her True Story - In Her Own Words (ඩයනා නම් ඇගේ කතාව ඇගේ වඩන වලින්ම ) නම් විය. මෙම පොත සිංහලට පරිවර්ථනය කර තිබුනේ දයා ගුණතිලක විසින්ය. මෙයින් මට ඩයනාගේ ජීවිත කතාව පිලිබද බොහෝ දේ දැනගැනීමට හැකිවිය . ඒ සමගම Guns and Roses  කන්ඩායමේ මම අසමින් සිටි ගීතයේ පද පේලි කිහිපයක් මෙලෙස ලියා තබමි.

පලමුව ඛේදවාචයකි - දෙවනුව විහිලුවකි ( first as a tragedy, second as a farce)

ඉතිහාසය නැවත නැවතත් සිදුවන බව  යන කියමන කාල් මාක්ස්ගේ ඉතා සුප්‍රකට වැකියකි .බොහෝ දෙනා එහි නොදන්නා කොටස වන්නේ පලමුවර එය කේඛවාචයක් වනවිට එයම නැවත සිදුවනවිට දෙවන වර එය විහිලුවක් බවට පත්වන බවයි. 

පලමුවර අපට ආපසු හැරවිය නොහැකි තරම් ඛේදවාදචයක් කරා ගමන් කිරීමට සිදුවිය .එහිම දිගුවක් ලෙස අපට විශාල විගඩමක්ද අවසානයේ දැකිය හැකිවුනි. 

ඔහු ඉන් පැහැදිලි කිරීමට උත්සහ කල දේ පහත පටු උදාහරණයට හරියටම සමපාත කල නොහැකි උනත් එය ගැලපෙන වැකියක් යැයි මට සිතේ. 

“ආණ්ඩුව විසින් ඉදිරිපත් කිරීමට යන පනත සම්මත වුවහොත් ලංකාව මාස හයක් ඇතුළත මදුරාසියේ කොටසක් වනු ඇතැ”යි ඔහු (F R ජයසුරිය ) ප්‍රකාශ කළේය. 

ආරම්භයේ දී බණ්ඩාරනායක එෆ් ආර් ජයසුරියගේ විරෝධය හෙළා දුටුව ද පසුව ඔහු සමග සම්මුතියකට එළැඹියේය. උපවාසයේ නියුතු ජයසූරිය වෙත එළැඹි බණ්ඩානායක අගමැතිවරයා ඔහු වෙත දොඩම් යුෂ වීදුරුවක් පිරිනමමින් උපවාසය නතර කිරීමට එකඟකරවාගත් අතර පාර්ලිමේන්තු මන්ත්‍රීවරයෙකු නොවූ ඔහුට පාර්ලිමේන්තුව ඇමතීමට අවස්ථාවක් ලබා දීමට ද පොරොන්දු විය. 

ජයසූරිය සිය පාර්ලිමේන්තු කතාව මගින් ආණ්ඩු පක්ෂ මන්ත්‍රී කණ්ඩායමේ සහාය තමන්ගේ අන්තවාදී සිංහල ස්වෝත්තමවාදී මතයන්ට ලබා ගැනීමට සමත් විය. 

උපුටා ගැනීම - Jdslanka.com

ශිබා නොහොත් ජොනී නම් බලුපැටියා

මේ සිටින්නේ දශක දෙකකට ආසන්න කාලයක් අපේ නිවසේ හැදී වැඩුනු කුඩා බලුපැටියාය. ඌට ශිබා යන නම තැබුයේ අපේ තාත්තාය. ශිබා යනු බලු වර්ගයක් බව අපි දැන ගත්තේ පසුවයි. 2004 වර්ශයේ සුනාමියට ඔන්න මෙන්න කියා තිබයදී අපේ ගෙදරට ගෙන ආ මේ පොමරේනියන් වර්ගයේ බලුපැටියාට තබන්නට මා කැමැත්තෙන් සිටි නම ජොනීය. 

නමුත් වැඩි ප්‍රසාදය මත ජොනියා ශිබා බවට පත්විය. මු ගෙන එන විට මට එතරම කැමැත්තක් නොවීය .කුඩා බලුපැටියෙක් උවත් මවගෙන් වෙන්කිරීම අපරාධයක්යැයි මම එකලත් සිතුවෙමි .

තරමක් රලු ගති තිබු ජොනියා ලේනුන් ගේ ජීවිත කිහිපයකටම වගකීවේය. ඒත් ඌ නිබදවම අපේ පවුලේ කොටසක්ව සිටියේය .එක් අවස්තාවක නිවසෙන් පැනගොස් සිටි ජොනියා ඊට ටිකවෙලාවකට පසු ආපසු නිවසට ආවේ වෙනත් බල්ලන්ගේ සැපුම්පාරවල් කිහිපයක් සමගයි. 

Stalker - සිනමා හරය දේශපාලනයට බද්ධකිරීම

x දේශපාලනයට ආසන්නව සිටි කාලයේ අප නිතරම වගේ සිනමාව පිලිබද සාකච්චා කලෙමු. සිනමාව සහ X දේශපාලනය කිසිසේත් එකිනෙකට වෙන්කල නොහැකි කාරනා දෙකකි. 

ඇතැම් න්‍යායාත්මක දේශපාලනය කරුනු පිලිබද වඩා නිවැරදි අවබෝධයක් ගැනීම උදෙසා අපට උපකාරවුයේ සිනමාවයි. මේ අතර සාකච්චාවට ගැනුනු ප්‍රධානම සිනමා පටයක් වුයේ අන්ද්රේයි තාකොව්ස්කිගේ Stalker නම් සිනමා පටයයි. පැය තුනකට ආසන්න කාලයක් පුරා දිගහැරෙන ඉතා කෙට් සංවාද ඇති මෙම චිත්‍රපටය. සැබැවින්ම කියතොත් කම්මලි එකකි. 

මේ චිත්‍රපටයේ Stalker නමින් හදුන්වන පුද්ගලයා සිනමාව ආරම්භයේදී අපට පෙන්වන්නේ ඉතාම දුර්වල හා යම් කිසි මානසික බෙලහීනතාවයකින්සුවෙන්නෙක් බවයි .ඔහු ඉතා දුර ප්‍රදේශයක පිහිටි යම් යම් හාස්කම් සිදුවන Zone නම් ස්ථානයක් පිලිබද දැඩි ලෙස විශ්වාසකරයි. මෙම හාස්කම් සිදුවන ස්තායට යා යුත්තේ ඉතා දුශ්කර කටුක යුධබිම් හා බාධක ඔස්සේය. 

මැටි බල්ලාගේ මතකය

 මේ මැටි බල්ලා මම මිලට ගත්තේ 2019 අප්‍රේල් මස 20 වැනිදා රාත්‍රියේ නුවරඑලියේ පැවති කානිවල් එකකිනි.  ඒ මාත් මගේ මිතුරන් 4 දෙනෙකුත් සමග ගිය තෙදින සවාරියක අවසන් දවසේදීය. 

මේ අකාරයේ විවිධ වර්ගයේ මැටි බල්ලන් කිහිප දෙනෙකු සහ තවත් කුඩා ස්මාරකයක් වැනි කුඩා ඵලයක් මම එදින මිලට ගත්තේ එකක් රුපියල් 80 ක් හෝ 100 ක් වැනි කුඩා මුදලකටයි.(මම මේ වගේ කුඩා සිහියටන එක්රුස් කිරීමට දැඩි ලෙස ප්‍රියකරන්නෙකි).

එදා රාත්‍රියේ අපි හොදින් විනෝදවී නිදා ගත්තෙමු. ඉන් ඉක්බිති අලෝකයේ වේගයෙන් කාලය ගතවිය .පසුදා ආපසු නිවෙස් බලා එන ගමනේදී උදැසන ආහාරය උදේ නවය පමන වනවිට අපි ලබාගත්තෙමු. 

වාහනය පනගන්වා රේඩියෝව ක්‍රියාත්මක කල සැනින් අපට දැන ගන්නට ලැබුනේ කිතුනු පල්ලි රාශියකට බෝම්බ ප්‍රහාර එල්ලකර සිය ගනනක් ජීවිත අවසන් වි ඇති බවයි. දැන් මේ බල්ලා මා සතුව නැත. මගේ අක්කගේ පුතා උගේ බෙල්ල කැඩුවේය ඉන් පසුව මම එය විසිකර දැමිය. 

සුබගමන් වික්‍රමබාහු - Salute To Comrade

වික්‍රමබාහු කරුනාරත්න සහෝදරයා මිය ආරංචිය අද දැන ගන්නට ලැබුනි. මම බාහු ගැන දන්නේ පුංචි දේවල් කිහිපයක් පමනි. බාහු සහෝදරයා සුවිසල් මිනිසෙකු බව දැන ගන්නට පෞද්ගලිකව මට විශාල කාලයක් ගතවිය.

ඔහු ලංකාවේ ජාතිකවාදයෙන් ඔද්දල්වුන කුහක වාමාංශිකයකු නොවන බව දැන ගැනීමට මට විශාල කාලයක් ගතවිය. ඔහු සැබැ නුතනවාදී වාමාංශිකයකු විය. 2005 සිංහල බෞද්ධ යුද්ධය ආරම්භවු  සමයේ බොහෝ දෙනා ඔහුව හැදින්වුයේ කොටි බාහු යන නමින්ය. 

එවකට ජනතා විමුක්ති පෙරමුන නම් අන්තවාදි සිංහල බෞද්ධ වාමාංශික පක්ශය විසින් උතුරේ ද්‍රවිඩ සංහාරයට පිඹුරුපත් සකස්කල යුගයයි. ඒපමනක් නොව මහින්ද රාජපක්ශ සිංහල ජාතියේ ගැලවුම්කරුවා බවය අභිශේක ලබන්නට සිටි මොහොතයි. 

ඔබත් බුද්ධිමතෙකි - බොරුනම් ග්‍රාම්ශිගෙන් අහන්න

අන්තෝනියෝ ග්‍රාම්ස්චි නමි ඉතාලියානු මාක්ස්වාදී න්‍යායධරයා විසින් සිය හෙජමොනිය නම් දේශපාලනික ප්‍රවාදය ඉදිරිපත් කලේය. මෙය ඔහු සිය සිරගෙයි සිට ලියූ සටහන් හරහා ඉදිරිපත් කල අදහස් වලින් සාම්ප්‍රදායික මාක්ස්වාදී ප්‍රවේශයන් වෙනතකට යොමුකල හැකි විය. 

ඒය ඒක් අකාරයක සංධිස්ථානයකි

මේ අදහස් ඉන් පසුව බිහිවු පශ්චාත්මාක්ස්වාදී ව්‍යාපාරයේ වර්ධනය කෙරේ ඉතා වැදගත් විය. ඇතැම් ග්‍රාම්ස්චියානු න්‍යායන් අද වන විට කල් ඉකුත් වුවත් ‌ඔහුගේ මුලික අදහස් වලින් ඉතා සිත්ගන්නා සුලු අදහසක් වන්නේ බුද්ධිමතුන් පිලිබද ඔහු දරන අදහසයි.

නුතන ලාංකික සමාජ දේශපාලනික වටපිටාව වෙත අවධානය යොමු කරනවිට අපට අවබෝධ කර ගත හැකි කාරණයක් වන්නේ බුද්ධිමතුන් ලෙස පොදු මහජනතාව විසින් නිශ්චය කරන්නේ මෙවන් නිර්ණයක සහිත පිරිසකි. 

ඒනම් ඉහල ඇකඩමික අධ්‍යාපනික තත්වයක් තිබිය යුතුය. ලේඛකන කලාවේ නිරතවන හෝ ජනමාධ්‍ය මුලික කරගත් පසුබිමක් තුල ප්‍රකට වුවන් ආදී ලෙසයි. 

ජාතික චින්තනයේ ඝණදුර - ජයදේව උයන්ගොඩගේ පෙරවදන

ගුණදාස අමරසේකර මහතා මේ වන විට සිංහල සමාජයේ සිටින වඩාත්ම ආභාශකාරී බුද්ධිමතාය ඔහු ජනතා විමුක්ති පෙරමුනේ බුද්ධිමය උපදේශකයකුද වේ

තමා ගොඩනැගු ජාතික චින්තන මතවාදය රාජ්‍යයේ නිල මතවාදය බවට පත්කිරීම ඔහුගේ බුද්ධිමය ව්‍යාපෘතියේ එක් අරමුණකි ජාතික චින්තනය යනු අප සිංහල සමාජයෙන් මතුවු ප්‍රතිගාමී දේශපාලන මතවාදයකි 

එය රාජ්‍යයේ නිල චින්තනය බවට පත්වුවහොත් එය ලංකාවේ පුරවැසියන් ලබන අයිතිහාසික දේශපාලන පරාජයක් වනු ඇතයි කීම අතිශයෝක්තියක් නොවේ 

ජයදේව උයන්ගොඩ
කොලඔ විශ්වවිද්‍යාලය
2006 අගොස්තු

මේ කවුද ? මොනවද කරන්නේ ?

 මේ ජායාරුපයේ සිටින පුද්ගලයා චේතිය මනතුංග නොහොත් අන්වර් මනතුංගයි .මැත කාලින සිංහල සහ මුස්ලිම් ගැටලුව යලි නැගීආවේ 2010 වසරේදී පමණය. උපතින් බෞද්ධයකු වන අන්වර් මනතුංග ලමා කාලය ගෙවන්නේ සිය පියාගේ දැඩි තාඩන පිඩන සහ මුදල් දුශ්කරතාවයන් රැසක් සමගයි .

ඔහුම පවසන පරිදි සිය පියා බේබද්දෙකි .පසුකාලිනව කුමක් හෝ හේතුවක් මත සිය පවුලම ක්‍රිස්තියානි ආගමට බැදි තිබේ .

පසුව චේතිය ක්‍රිස්තියානිය අතහැර මුස්ලිම් වන්නේ අන්වර් මනතුංග යන සිංහල-මුස්ලිම් නාමය සමගයි .මේ ඔහු සිය අන්වර් දවාහ් යන නමින් සියමින් සිටි බ්ලොග් අඩවියක තිබු පාපොච්චාරනයකි. කෙසේ නමුත් ඔහුගේ වෘත්තිය කුමක්ද ඔහු ජිවත් වන්නේ කෙසේද යන්න පිලිබද ආරංචියක් නැත .

2009 හෝ 2010 වර්ශයේ ඔහු ආන්දෝලනාත්මක විඩියෝවක් ඉදිරිපත් කරමින් බුදු දහම පිලිබද ප්‍රශ්ණ කිහිපයක් ඉදිරිපත් කලේය. කිසිදු තර්ක බුද්ධියක් නැති සිංහල බෞද්ධයන් මෙයට දැඩි ලෙස කලබල විය. උපතින් බෞද්ධයකු වි පසුව මුස්ලිම ආගමට හැරුනු සිංහල වාසගමක් ඇති අයෙක් ඉදිරිපත් කල ප්‍රශ්ණ නිසා තත්වය බැරෑරැම් විය. 

මේ ගැන සීතල යුද්ධය මුලින් ව්‍යාප්තවුනේ ෆේස්බුක් සමාජ ජාලය හරහාය .පිටියේ අප්පු  සහ රංග දිසානායක වැනි නම් වලින් පෙනී සිටි අතැම් ජාතිකවාදීන් මෙය සිය අරගලයක් බවට පත්කර ගත්තේය. සිංහලයන්ගේ අවසානය ආරම්භව ඇති බව ව්‍යාජ ප්‍රවාත්ති නිකුත් කරමින් ජනතාව කුපිත කලේය. 

මෙම  වෙඩි නුල අවසානයේදී පුපුර ගියේ 2019 පාස්කු ඉරිදා දිනයි. බෝම්බයේ ගිනිපුපුර තුලින් අලුත් නායකත්වයක් රටට බිහිවිය. මෙම සියලු කරුනු අපට පසක් කරන ලද්දේ මේ සියල්ල මුල මැද අග හොදින් ගලපන ලද සැලසුමක කොටසක් බවයි. 

අන්වර් මනතුංග මුල්කාලයේ පෙනී සිටියේ ඉතා ප්‍රගතිශිලි සහ නුතනවාදී අදහස් ඇති මුස්ලිම්වරයකු ලෙසයි. ඔහුගේ වෙබ්අඩවියේ පලකල ලිපි වලින් අපට එය ප්‍රත්‍යක්ශවිය .

ධුමකේතුවෙන් දෙව්ලොව යන්න ගිය මිනිස්සු

මෙම පින්තූරය මට 1997 දී අපුරු මතකයක් මතක් කර දුන්නේය.මෙය හෙල් බොප් වල්ගාතරුවේ ජායාරූපයකි. 

20 වන ශතවර්ෂයේ අවසානයේ මිනිසුන් විශාල වශයෙන් කතා කළ අභ්‍යවකාශ වස්තුව සමහරවිට  මෙය විය හැකිය. 

මිහිමත ඇතමුන්ගේ  දෛවය තීරණයකල මෙම වල්ගා තරුව පුරා මාස 18 ක් පියවි ඇසින් නිරික්ශනය කිරීමට තරම් පෘතුවියට ආසන්න වු අතර මෙම ධුමකේතුව 1997 දෙසැම්බර් මාසයේ දිනෙක අතුරුදන්විය. 

එය අපට නැවත දැකගත හැකිවන්නේ වර්ශ 4380 දීය . මෙම වල්ගා තරුව දර්ශනය වූ කාලය වන  විට අපි කුඩා දරුවන්ව සිටිමු. 

පෘථිවියේ සමහර ප්‍රදේශවල මිනිසුන් රාත්‍රියේදී පියවි ඇසින් මෙම ස්වභාවික ආශ්චර්යය දැකීමට වාසනාවන්තවිය .නමුත් අපේ රටේ මිනිසුන්ට මෙය දැකගත නොහැකි විය .

අපි මේ ගැන ඉතා කුතුහලයෙන් සිටියෙමු නමුත් අපට රූපවාහිනී ප්‍රවෘත්ති හැර වෙනත් කිසිදු තොරතුරක් හරහා එකල මේ ගැන දැනගැනීමට නොතිබුණි.

කෘතිම බුද්ධියෙන් පසු පශ්චාත් මානවීය අවධියක් දෙසට ?

මට මේ ඡයාරුපය ලැබුනේ Reddit සමාජමාද්‍යයේ සැරිසරන අතරතුරයි මැය Frensill නමින් හදුන්වන නිරූපිකාවක්. මට මේ පින්තුරය දැක්ක ගමන් හිතුනේ මානවීය බවින් ඔබ්බට ගිහින් යාන්ත්‍රීකරනය උනු මිනිස්සු ගැන. 

තව සියවස් කිහිපක් එපිට ලෝකය Dune,Blade Runner වැනි සිනමා වලින් පෙන්වනව වගේම වෙන්න පුලුවන් කියල මට හිතෙනවා .

මම හිතන් ලෝකය දැන් ක්‍රමක්‍රමයෙන් Minimalism වලට විලාසිතාවක් වගේ පරිවර්ථනය වෙනවා .ඒ විතරක් නෙවේ අපි ගමන් කරමින් ඉන්නේ පශ්චාත් මානවීය අවිධියකට .

ඒ කියන්නේ ශාරීරිකව මානසිකව සහ සංස්කෘතික වශයෙන් අපි දන්නා මානවීයත්වය ඉක්මවා ගිය (ජීව - යාන්ත්‍රික) මිනිසුන් ඉන්න ලෝකයකට .

Elon Mask වැනි තාක්ශණික බලවතුන් ඉදිරියේදී Neuralink වැනි පද්ධති හරහා අපේ භෞතික ශරිරය යාන්ත්‍රිකරනය කරන්න පටන් ගනන් බව සත්‍යක්.

පැරණි සිනමාවල අපි දැකල තියෙන්නේ AI රොබෝවරු ඇවිත් අපේ මානව ශිෂ්ඨාචාරය ආක්‍රමනය කරනව වගේ දේවල්. 

නමුත් මගේ පෞද්ගලික අදහස වෙන්නේ රෝබෝවරු ඇවිත් අපව යටත් කරගන්නව වෙනුවට මිනිසුන් ක්‍රමක්‍රමයෙන් ස්වකැමැත්තෙන් යාන්ත්‍රිකරණයට ලක්වෙයි කියන එක.  අපේ අනාගත ලෝකය ඩිස්ටෝපියාවක් වෙන්න පුලුවන් සාධක වැඩි ප්‍රමාණයක් දැනටමත් තියෙනවා. ‍ෙ

පැබ්ලෝ නෙරුඩාගේ පරිකල්පනය සමග AI සමපාත කලෙමි

පැබ්ලෝ නෙරුඩා යනු චිලි ජාතික ලෝක පුජිත කවියෙක් බව බොහෝ දෙනෙක් දන්නවා ඇති. මා නම් පෞද්ගලිකව ඔහුගේ නිර්මාන වලට අතිශයින්ම ඇබ්බැහිවුන අයෙක්.

 ඔහු විසින්  රෝමාන්තික ප්‍රේමය පදනම් කරගෙන ලියපු කවි වලින් ජනනය කරවන ලද හැගීම මට තවමත් වෙනත් කවියෙකුගේ නිර්මාන වලින් අත්දකින්න ලැබිල නැ. 

ලංකාව තුල කවිය කියන්නේ හරිම පටු සීමාවක් ඇතුලෙ හිරවුන දෙයක්. ( එලිසමයක් තාලයක් නැත්තනම් ඒවා කවි නෙවේ කියලනේ කියන්නෙ) .

කවිය පිලිබද මට පවා තිබුන මේ සිමාසහිත පටු රසවින්දනය පුලුල් කර ගන්න පුලුවන් උනේ නෙරුඩගේ නිර්මාන හරහා.

නමුත් මා මේ කෙටි ලිපියෙන් කියන්න කල්පනාකලේ නෙරුඩාගැන හෝ ඔහුගේ නිර්මාන ගැන නෙවේ. අපි දැන් AI යුගයට පිවිසිලා අවසන් .

අපි දැන් ඉන්නේ එහි මුල් යුගයේ. ඉතින් මම පහුගිය දවසක  Chatgpt AI වැඩසටහනෙන් යම් ඉල්ලීමක් කලා . 

මම කලේ Pablo Neruda ලියන ආකාරයේ ප්‍රේමනීය කවියක් මට ලියල දෙන්න කියල Chatpgt වලින් ඉල්ලපු එක .තප්පර 05 කට අඩු කාලයකදී Chatgpt AI වැඩහටහන විසින් මට ලබා දුන්න ප්‍රතිඵලය ගැන මම විශ්මයට පත්වුනා. 

Jonny Depp නම් අසමසම රංගධරයා පිලිබදව සටහනක්

ජොනී ඩෙප් කියන්නේ මගේ ප්‍රියතම නළුවෙක්. ඔහු රගපාන කිසිම චිත්‍රපටියක් බලලා මට කම්මැලිකමක් දැනිලා නැහැ. ඔහුගේ රංගන දිවියේ කැපී පෙනෙන සුවිශේෂී දෙයක් මා දැක තිබේ.

ඩෙප් බොහෝ විට "පයිරේට්ස් ඔෆ් ද කැරිබියන්" හි ජැක් ස්පැරෝ, එඩ්වඩ් සිසර්හෑන්ඩ්ස්, "ද ලෝන් රේන්ජර්" හි ටොන්ටෝ සහ "චාලි ඇන්ඩ් ද චොකලට් ෆැක්ටරි" හි විලී වොන්කා වැනි අමුතු හැසිරීම් ඇති මිනිසුන්ගේ චරිත නිරූපණය කරයි.

විශ්මයජනක දෙය නම් ඔහු මෙම විචිත්‍ර චරිතවලට කෙතරම් පරිපූර්ණ ලෙස ජීවය ලබා දෙනවාද යන්නයි.

මෙම භූමිකාවන් තුළට කිමිදීමට සහ ඒවා මතකයේ රැඳීමට ඔහු දැක්වූ දක්ෂතාවය ඇත්තෙන්ම සිත් ඇදගන්නා සුළුය.

ඩෙප්ගේ රංගනයන් සැමවිටම කැපී පෙනේ. මෙම අසාමාන්‍ය චරිත සැබෑ සහ සාපේක්ෂ හැඟීමක් ඇති කිරීමට ඔහුට ඇති හැකියාව නළුවෙකු ලෙස ඔහුගේ ඇදහිය නොහැකි දක්ෂතාවයට සාක්ෂියකි.