සිංහල බ්ලොග් කියවන අයට ඔත්තුවක් - Capy Reader App එක

සිංහල බ්ලොග් වසන්ත සමයේ ඒ කියන්නේ 2010-2012 වගේ කාලයේදි අපි සුප්‍රකට බ්ලොග් සින්ඩිකේටර් කිහිපයක් තිබුන මතකද .SBU හෙවත් සිංහල බ්ලොග් සංසදය ,ලාංකිය සිතුවිලි රීඩරය, හත්මාලුව ,සින්ඩිය කොත්තු ආදී වශයෙන්. කාලයේ ඇවෑමෙන් මේ වසන්තය නිමාවෙලා ගියත් තවමත් බ්ලොග් ලියන අය අපි අතර ඉන්න එක කොතරම් සතුටක්ද කියල හිතෙනවා. නමුත් දැන් අර පරන සින්ඩිකේටර් සියල්ල අක්‍රිය වෙලා ගිහින්. ලංකාවේ බ්ලොග් සංස්කෘතියට වැදුන ලොකුම පහර SBU එක අත්හිටුවීම කියලයි මට හිතෙන්නෙ. මම දන්නේ නැහැ ඇයි එහෙම කලේ කියල. සමහර කට කතා තිබුනා ඒ ගැන .සමහර විට කොලඹගමයා මේ ගැන යමක් දන්නවා යැයි මට සිතේ . පසු කාලයේ බිහිවුන blogger සේවාව පදනම් කරගත් සින්ඩි කිහිපයක් දැන් තියනවා. නමුත් ඒවටත් අලුත් බ්ලොග් අතුලත් වෙන පාටක් නැහැ.

දැනට තවමත් මට වැඩිම ට්‍රැෆික් එකක් එන්නේ මාතලන්ගේ සින්ඩියෙන්. ඒකත් මහලොකු ප්‍රමානයක් නෙවේ. නමුත් මට බ්ලොග් හොය හොයා කියවන්න අමාරු නිසාත් සමහර බ්ලොග් අපි නිතර බාවිත කරන ස්මාට් ෆොන් එකෙන් කියවන් අමාරු නිසාත් මට මේකට හම්බවුනා Capi Reader කියන ඇප් එක.මේක සම්පුර්නයෙන්ම නොමිලේ භාගත කරගන්න පුලුවන් .ඊට පස්සේ අපි කැමති බ්ලොග් ලැයිස්තුව මේකට ඇතුලත් කරාට පස්සේ ඒ සියලු ලිපි update වෙනවා. අපට ඇප් එක හරහා ඒවා ඉතා පැහැදිලිව කියවන්නත් පුලුවන්. 

Image ,Video ඉතාම හොදින් වැඩ කරනවා ලිපියේ මාතෘකාව උඩ ක්ලික් කරාට පස්සේ ඔරිජිනල් බ්ලොග් ලිපිය Chrome බ්‍රවුසරය හරහා විවෘත කරගන්න පුලුවන්. ඒක හින්ද Comment කරන එකට ගැටලුවකුත් නැහැ. බ්ලොග් විතරක් නෙවේ ඕනැම වෙබ් ලින්ක් එකක් මේකට Add කරල අලුත් ලිපි කියවන්න පුලුවන්. මේකේ ස්වරුපය ගැන අදහසක් ගන්න මම screenshot කිහිපයක් පහලින් පලකරල තියෙනවා මට නම් මේක හරිම

පහසුවක් .