සත්‍යය වැළලූ තැන පැළවෙන JVP දේශපාලන ව්‍යාධිය

නාසි ජර්මනියේ සිට ජ.වි.පේ දක්වා එන 'ගොබෙල්ස්' අවතාරය ගැනයි.
ලංකාවේ බොහෝ සමාජ සංසිද්ධි පාලනය කර ඇත්තේ බිය ගැන්විමෙන් සහ බොරු කීමෙනි .බොරුව මේ අතරින් ප්‍රධානයි . බොරුව යනු හුදෙක් රැවටිමක් පමනක් නොව සමස්ත සමාජ ව්‍යුහයක්ම බිද දැමීමට සමත් උපක්‍රමයකි .මගේ අනුදැනුමේ හැටියට බොරුව යන උපක්‍රමය වඩාසාර්ථක ලෙස භාවිත කරමින් පවත්වාගෙන ගිය දේශපාලන ද්‍රෘශ්ටීන් දෙකක් ලෝකය තිබුනි. ඉන් පලමු එක නම් ජර්මන් නාසිවාදයයි .සමස්ථ නාසි දෘශ්ඨිවාදය ප්‍රායෝගිකව ක්‍රියාත්මක කරන ලද්දේ බොරුව නම් උපක්‍රමය භාවිත කරගනිමින්ය. නාසි සිරකරුවකුව සිට අවුට්ස්විච් වදකාගාරයෙන් බේරි පැමිනීමට සමත්වුන වෛද්‍ය මික්ලොස් නයිසිල් සිය මරණයේ දොරටුව නම් පොතෙහි සදහන් කරන්නේ අවුට්ස්විච් වදකාගාරය වට කර ඇති විදුලිවැට ඇත්තම විදුලි වැටක්ද කියා සැක සිතෙන තරමටම නාසි දෘශ්ටිවාදයතුල බොරුව ක්‍රියාත්මකවු බවයි .

මෙහිදි නාසි බලකදවුරේ ප්‍රබලයකුවන එහි ප්‍රචාරක නියමුවා (Propaganda) වු ජෝසෆ් ගොබෙල්ස්ගේ බොරුව පිලිබද න්‍යාය අපට අමතක කල නොහැකිය. එය සරල මෙන්ම ප්‍රභල එකක් විය.  මෙම බොරුවකොතරම් දුරකට විහිදි ගියාද යත් සමස්ත ජනප්‍රජාවක් (යුදෙව්වන්) ගැස් කාමරවලට දක්කවා ඝාතනය කරවිමට (The Holocaust) මහාසමාජයේ අවසරයක් ලබා ගැනීමට හැකිවිම දක්වා ගමන් කලේය. ගොබෙල්ස්ගේ බොරුව පිලිබද න්‍යය හෙවත් මහා බොරුව කරුනු කිහිපයකින් සමන්විතය . එය මා කියන්නට යන අනිත් දේශපාලන පක්ශයේ හැසිරීම තේරුම් ගැනීමට උපකාර වනු ඇත

☝මහා බොරුව (The Big Lie): සාමාන්‍ය කුඩා බොරුවක් වෙනුවට, කිසිවෙකුට අදහාගත නොහැකි මට්ටමේ ඉතා විශාල බොරුවක් නිර්මාණය කිරීමයි.

☝නැවත නැවත කීම (Repetition): . එකම බොරුව දිගින් දිගටම ඇසෙන්නට සැලැස්වීමෙන් ඕනෑම බොරුවක් සමාජය තුළ සත්‍යයක් බවට පත් කළ හැකිබව

☝සත්‍යය සම්පූර්ණයෙන්ම වැළැක්වීම (Suppression of Truth): මහා බොරුව පවත්වාගෙන යාමට නම් විකල්ප අදහස් හෝ සත්‍ය තොරතුරු ජනතාව අතරට යාම සම්පූර්ණයෙන්ම නැවැත්විය යුතුයි. ඒ සඳහා දැඩි මාධ්‍ය වාරණයක් සහ රාජ්‍ය බලය භාවිත කිරීම සිදු කෙරුණා.

☝එක් පොදු සතුරෙකු නිර්මාණය කිරීම (Scapegoating): රටේ පවතින සියලුම ප්‍රශ්නවලට (ආර්ථික, දේශපාලන හෝ සාමාජීය) හේතුව එක් කණ්ඩායමක් හෝ එක් සතුරෙකු බවට පෙන්වමින්, ජනතාවගේ වෛරය සහ අවධානය ඔවුන් වෙත යොමු කිරීම.

☝තර්කයට වඩා හැඟීම්වලට ඇමතීම (Emotional Manipulation): මිනිසුන්ගේ බුද්ධියට හෝ තර්කනයට වඩා ඔවුන්ගේ බිය, ආශාව, කෝපය සහ දේශප්‍රේමය වැනි දැඩි හැඟීම් අවදි කරවා තමන්ට අවශ්‍ය දේ ඉටු කර ගැනීම.

බොරුව යන උපක්‍රමය නාසිපක්ශයට පසුව ලෝකයෙ වඩාත් සාර්ථකව දියත් කරන ලද්දේ ලංකාවේ ජනතා විමුක්ති පෙරමුන නම් පක්ශය විසින්ය. නමුත් මෙහි යම් වෙනස්කමක් ඇත .නාසි පක්ශය බොරුව දියත් කලේ එවා බොරුවක් බව දැන දැන වඩා උපක්‍රමශිලිව සහ සැලසම්සහගතවයි .

නමුත් ජනතා විමුක්ති පෙරමුන නම් පක්ශයයේ හැසීරීම දෙස බලන විට අපට පෙනීයන්නේ එය උපක්‍රමික බොරුකිමක් නොව Pathological නැතිනම් ව්‍යාදිජනක බොරුකීමක් බවයි. එනම් මෙම බොරුකීම ජනතා විමුක්ති පෙරමුන නම් පක්ශය පුරා අසාදනයවී ඇති රෝගයකි. මේවාට හේතුවන්නේ අඩු ආත්ම අභිමානය සහ වෙනත් පෞරුශ දුර්වලතාවයන්ය. ඔවුනට මේ බොරුකීමට නිශ්චිත සාධක සාක්ශි අවශය නැත .

අවශ්‍ය වන්නේ තව කෙනෙකුගේ කටවචනයක් පමනී. අනික වන්නේ කල්ගත වෙත්ම ඔවුන්ගේ බොරු ඔවුන් විසින්ම දැඩි ලෙස විශ්වාස කරන්නට පටන් ගැනීමයි. එතැන් පටන් එය ගොබෙල්ස් න්‍යාය අනුව සාර්ථකව ක්‍රියාත්මකවිමට පටන් ගනී .ගොබෙල්ස් න්‍යායේ හතරවන කරුන වන්නේ පොදු සතුරෙකු නිර්මානය කර ගැනීමයි.  යුග අනුව ඔවුන් ඉන්දියාව ,අධිරාජ්‍යවාදය, NGO, රාජපක්ශවරු ආදීලෙස පොදු සතුරන් නිර්මනයකර ගනිමින් එවාට පහර දුන්නේය.  බලය තුල නොසිටි තාක්කල් ඔවුන්ට සිය බොරුව පදනම්කරගත් ප්‍රචාරක යාන්ත්‍රනය සාර්ථකව කරගැනීමට හැකිවිය .දැන් ඇත්තේ ඉදිරියට ඔවුන් කරන්නේ මොනවාද කියා බලාසිටීමයි .